Г.Дашдаваа ДАШТ-ээс хүрэл медаль хүртлээ

Жиу-жицу бөхийн дэлхийн аварга шалгаруулах тэмцээн АНУ-ын Калифорни мужийн Лонгбич хотноо зургаадугаар сарын хоёрноос эхлэн үргэлжилж байна. Манай улсаас насанд хүрэгчдийн 94 кг-д хүч үзсэн жүдо бөхийн ОУХМ, “Хилчин” спорт хорооны тамирчин Г.Дашдаваа хүрэл медаль хүртлээ.
Дэлхийн аварга шалгаруулах тэмцээний masters буюу ахмадын төрөлд 64 кг-д О.Нарангэрэл, +100 кг-д Б.Одхүү нар аваргын алтан медаль, н.Мөнгөнхуяг, Б.Мягмардорж нар мөнгөн медаль хүртэж алт, мөнгөн медалийг ихэрлүүлснээр багаараа гуравдугаар байрт шалгарсан байгаа. Дэлхийн аварга Х.Цагаанбаатар, ОУХМ С.Мияарагчаа, Д.Сүлдбаяр нарын жүдочид багтсан  манай шигшээ баг нийт 18 тамирчны бүрэлдэхүүнтэй оролцож байгаа юм байна.