Facebook-ийн төрсөн өдөр

2004 оны яг энэ өдөр олон нийтийн хамгийн алдартай Facebook сүлжээг Марк Цукерберг болон Харвардын их сургуулийн оюутны байрны хөрш Эдуардо Саверин, Дастин Московиц, Крис Хьюз нар анх бий болгожээ.

Веб сайтыг эхний үед “Thefacebook” гэж нэрлэж байсан бөгөөд зөвхөн Харвардын оюутнуудын хүрээнд ашиглаж байгаад дараа нь Бостон, удалгүй АНУ-ын .edu домен хаягтай бүх их сургуулиудад нээлттэй болсон байна. Харин 2006 оны есдүгээр сараас цахилгаан шуудангийн хаяг бүхий 13-аас дээш насны бүх хэрэглэгчдэд  нээлттэй болжээ.

Өнгөрсөн оны долоодугаар сар гэхэд энэ сайтын хэрэглэгч 1.2 тэрбум хүрсэн байна. Зөвхөн гуравдугаар сард гэхэд хоногт 720 сая хүн энэ сайтад зочилжээ.  Сар тутам ойролцоогоор 810 сая хүн гар утасныхаа Facebook-ийг ашигладаг. Өдөр бүр 3.2 тэрбум лайк дарж, сэтгэгдэл бичиж, 300 сая гэрэл зураг оруулдаг аж. Нийт 125 тэрбум найз нөхдийн бүлэг бүртгэгдээд байна.

Цукербергийн компанийн 2012 оны эхний улирлын орлого тэрбум 58 сая ам.доллар хүрчээ. Зар сурталчилгаанаас 872 сая, бусад эх үүсвэрээс 186 сая доллар олсон байна. Үүний ачаар Марк Цукерберг 23 насандаа дэлхийн хамгийн залуу тэрбумтан болсон юм.

Б.Мишээл