Улсын мөрдөн байцаах газрын байр шатах дөхжээ

Өнгөрөгч хоногийн хугацаанд Нийслэлийн Онцгой байдлын газарт ирсэн объектын гал түймрийн 6, зөрчлийн 1 дуудлагаар харъяа дүүргийн Онцгой байдлын хэлтэс, Аврах, гал унтраах ангийн бүрэлдэхүүн шуурхай арга хэмжээ авч ажилласан байна.

Объектын түймэр:

Сонгинохайрхан дүүргийн 19 дүгээр хороо, 7 А байрны 1 дүгээр орцонд утаа гараад байна гэсэн дуудлагыг 08:58 цагт өгснөөр Аврах, гал унтраах 26 дугаар ангийн тасгийг гаргахад хогийн сувагт хог шатаж байсныг унтраасан.

Налайх дүүргийн 2 дугаар хороо, Цагдаагийн хэлтсийн баруун талд машин шатаж байна гэсэн дуудлагыг 09:05 цагт өгснөөр Аврах, гал унтраах 28 дугаар ангийн тасгийг гаргахад Subaru imperiza загварын автомашины моторын хэсэг шатаж байсныг унтраасан.

Сонгинохайрхан дүүргийн 8 дугаар хороо, Баянцагааны 1 дүгээр гудамжинд байшин шатаж байна гэсэн дуудлагыг 10:03 цагт өгснөөр Аврах, гал унтраах 29 дүгээр ангийн тасгийг гаргахад 5х25 метрийн хэмжээтэй өвлийн байшингийн тааз, дээврийн хэсэг шатаж байсныг унтраасан.

Баянзүрх дүүргийн 16 дугаар хороо, Улаанхуарангийн 26 дугаар байрны 1 дүгээр орцонд утаа гараад байна гэсэн дуудлагыг 11:28 цагт өгснөөр Аврах, гал унтраах 63 дугаар ангийн тасгийг гаргахад хогийн сувагт хог шатаж байсныг унтраасан.

Чингэлтэй дүүргийн 4 дүгээр хороо, Улсын мөрдөн байцаах газрын 2 давхараас утаа гараад байна гэсэн дуудлагыг 13:43 цагт өгснөөр Аврах, гал унтраах 10 дугаар ангийн 1 дүгээр тасгийг гаргахад цахилгаан хуваарилах самбарт масс үүссэн байсныг аюулгүй болгосон байлаа.

Баянгол дүүргийн 3 дугаар хороо, Дунд голын задгайд гэр шатаж байна гэсэн дуудлагыг 13:49 цагт өгснөөр Аврах, гал унтраах 14 дүгээр ангийн тасгийг гаргахад 5 ханатай гэр, эд хогшил шатаж байсныг унтраасан.

Баянзүрх дүүргийн 12 дугаар хороо, Зүүн жанжингийн 23 дугаар гудамжинд байшин шатаж байна гэсэн дуудлагыг 22:57 цагт өгснөөр Аврах, гал унтраах 63 дугаар ангийн тасгийг гаргахад 3х4 метрийн хэмжээтэй амбаар, Toyoto ist загварын автомашины урд хэсэг шатаж байсныг унтраасан.

Хоногийн хугацаанд гарсан гал түймрийн дуудлагын хувьд байшингийн дээвэр шатсан 2, гэр шатсан 1, авто машин шатсан 2, бусад 2 дуудлага ирсэн. Дүүргээр нь авч үзвэл Баянзүрх дүүрэгт 2, Сонгинохайрхан дүүрэгт 2, Чингэлтэй дүүрэгт 1, Баянгол дүүрэгт 1, Налайх дүүрэгт 1 дуудлага тус тус ирсэн байна.