Элсэгчдийн босго оноог 400-аар тогтооно

Ирэх хичээлийн жилээс Боловсрол, Шинжлэх ухааны яамнаас их дээд сургуульд элсэгчдийн босго оноон дээр шаардлага тавихаар болжээ.

Тодруулбал, энэ жилээс их, дээд сургуульд элсэгчдийн босго оноог 400-аар тогтооно.

Учир нь хувийн их, дээд сургуулиуд элсэлт авахдаа санхүүгээ бүрдүүлэхийн тулд босго оноог харгалзан үздэггүй байна.

Ингэснээр бакалаврын түвшинд суралцах чадваргүй оюутнууд олшрох болсон хэмээн албаны хүмүүс үзэж байна.

Ихэнх хувийн сургуулиуд 380-аас дээш оноотой тохиолдолд элсүүлдэг аж.