Их аварга М.Даваажаргал Хацү башёг тэргүүлж байна

Японы мэргэжлийн сумо бөхийн энэ оны анхны Хацү башё Токио хотноо болж байгаа бөгөөд найм дахь өдрийн байдлаар 69 дэх Их аварга Хакухо М.Даваажаргал, Шёхозаныг давснаар найман даваатай болж, ганцаараа тавин хувийн амжилтаа үзүүлээд байна.

Энэ өдрийн барилдаан Какурюү М.Ананд, Икиойг давснаар Хакухогийн араас долоон даваатай хоёрт бичигдэж эхэллээ. Токүшёорю, Гүржийн Гагамару, Египетийн Осунаараши нар өнөөдөр зургаа дахь даваагаа авснаар тэргүүлэгчдийн эгнээнд үлдээд байна. Харин өдөр озэки Кисеносато, комүсүби Точизанд ялагдсан бол озэки Котошёогику Болгарын Аойямаг давснаар таван даваатай болов. Жюүрёо зиндааг Саданоуми, Чиёомару, Азүмарюү С.Тодбилэг нарын бөхчүүд долоон даваатай тэргүүлж байна.

Д.Өлзий