Шатаж буй машиныг шар айргаар унтраав

АНУ-ын Техас мужийн Хьюстон хотын гал түймрээс хамгаалах албаны ажилтан гал авалцсан ачааны тэргийг гарт тааралдсан анхны шингэн болох шар айргаар унтрааж дөнгөсөн байна.

Гал командын тасгийн ахлагч Крэйг Моро эхнэрийнхээ хамтаар машинаараа явж байтал галд автаж эхэлсэн ачааны тэрэг байгааг олж харжээ. Тэр үед Моро ажлаасаа тараад явж байсан тул түүний машинд ердөө ганцхан галын хор байсан гэнэ. Галын хор дууссан тул тэрбээр ачааны машины жолоочоос дотор нь юу байгааг асуужээ. Гэтэл машин дотор шар айраг байгаа нь тодорхой болов.

Нэмэлт хүч ирэхээс өмнө гал дэндүү авалцах магадлалтай байсан тул Крэйг ачааны тэрэгний жолоочийн хамтаар шар айргаар галыг унтрааж эхэлсэн байна. Тэд галыг унтрааж дөнгөсний дээр тээвэрлэж явсан барааны дийлэнхийг нь аварчээ. Тэрбээр галыг шар айргаар унтраасандаа харамсаагүй гэнэ. Учир нь, тэр шар айраг тунгалаг өнгөтэй байжээ. Харин мань хүн хар шар айрганд дуртай аж.