Интернэтэд холбогдоогүй компьютеруудыг ч тагнадаг байжээ
ВАШИНГОН. /ВВС/. Интернэтэд холбогдоогүй ч асаалттай байгаа компьютеруудыг АНУ-ын Үндэсний аюулгүй байдлын агентлаг (ҮАБА) нууц технологи ашиглан тагнадаг байжээ.
Радио долгион дамжуулдаг жижиг төхөөрөмжүүдтэй 100 мянган тоног төхөөрөмжийг суурилуулсан байсан тухай АНУ-ын тагнуулын нууц мэдээллийг илчлэгч Эдуард Сноудений баримт бичгээс “New York Times” сонин иш татан мэдээллээ.
Эдгээрийг ашиглан Хятад, Оросын арми, мансууруулах бодис наймаалагчдыг тагнадаг байсан байна.
АНУ-ын Ерөнхийлөгч Барак Обама маргааш ҮАБА-ийн үйл ажиллагаатай холбоотой, анхаарал татсан асуудлын талаар үг хэлнэ.
Г.Доржханд
URL:
