“Хурд” хамтлаг дэлхийн томоохон хотуудад тоглолтоо хийнэ

“Хурд” хамтлагийн 20 жилийн ой өнгөрсөн онд тохиосон.

Ойн хүрээнд “Хурд” хамтлаг Монголын урлагийн түүхэнд анхны алтан пянзыг хэвлүүлж дэлхийд Монголын рок поп урлаг хэр хөгжиж буйг харуулсан.

Дэлхийн одод сая саяар нь цомгоо борлуулж байж энэхүү пянзыг хэвлүүлэх эрх олж авдаг. Харин монголд бас энэ эрхийг эдлэх хамтлаг бий гэдгийг нотлон харуулсан “Хурд”-н алтан пянзыг АНУ-н Лос Анжелес хот дахь “Ерика” дуу бичлэгийн студэд хэвлүүлэн, дэлхий даяар салбартай гитар центерийн дурсгалын самбарт тавьсан аж.

Мөн бүх дуунуудаа багтаасан 12 CD бүхий “Black box”-г гаргалаа. Энэхүү “Black box”-т багтсан 178 дууны бүх үгийг багтаасан, түүхэн зураг бүхий сэтгүүл хэвлүүлжээ.

Харин тэд энэ онд Хурд хамтлаг дэлхийг тойрсон аялан тоглолтуудыг төлөвлөсөн байна.

Энэхүү тоглолтын эхний буухиа Өмнөд Солонгост ажиллаж, амьдарч буй Монголчууддаа зориулан энэ сарын 30, 31-нд Сөүл хотноо тоглох аж.