Америкт ажилд авахад цаад хүнээс хардаг 3 чадвар

Нэгдүгээрт нь: communication буюу хүнтэй харилцах чадвар. Харилцах чадвар гэдэг бол өөрийгөө илэрхийлэх чадвар, нөгөөтэйгүүр хүнийг сонсох чадвар байдаг. Харилцаан дээрээс бие биенийгээ ойлгох, тухайн хүнийг хүсэж мөрөөдөж байгаа бүх л зүйлсийг мэдэж болох юм. Өөрийн олж авсан мэдээлэлээ хүнд ойлгомжтой хүргэж чаддаг байх нь танай байгууллагын ажлын хурдад нөлөөлөх юм.

Хоёрдугаарт: Хүнд үйлчлэх чадвар. Орчин үед барууны орнуудын компаниуд ихэнхдээ юм үйлдвэрлэхээсээ илүүтэй хүнд үйлчилдэг. Санхүүгийн зөвлөгөө өгөх үйлчилгээ, бизнес төлөвлөгөө бичиж өгөх үйлчилгээ, машин засаж өгөх үйлчилгээ гэх мэт. Тэгэхээр хүнд үйлчлэх чадвар маш чухал байдаг. Xарилцагчдаа гомдоочихдог хүн бол  хүнд үйлчилж чадваргүй бөгөөд тухайн хүнтэйгээ зөв ойлголцож чадахгүй байна гэсэн үг юм . Үүнийг хаанаас олж авах вэ? Жишээ нь: Оюутнууд бол ресторанд ажиллаж энэ чадварыг олж авдаг.

Гуравдугаарт: Мэдлэг чадвар. Мэдлэг чадвар бол гуравт нь ордог. Сүүлийн үед хүмүүс мэдлэгээрээ чамирхдаг болж.. “Мэдлэгийг ашиглаж чадсан үед л хүч болдог” гэдэг үг байдаг. Зарим нэг хүмүүс маш их мэдлэг, мэдээлэл цуглуулсан байдаг ч түүнийгээ ашиглаж чаддаггүй. Өнөөгийн нийгэмд мэдлэггүй байна гэдэг нь нүдээ аниад гүйхтэй адил. Хэрэггүй мэдлэг гэж байдаггүй. Чи л ашиглаж чадахгүй байна гэсэн үг.Харин хэрэггүй мэдээлэл гэж бий. Мэдээлэл бол мэдлэгийг чинь ашигтай зарцуулахад чинь чиглүүлж өгдөг.