Ихэнх нутгаар хүйтний эрч чангарахыг анхааруулж байна

Өнөө маргаашдаа баруун болон төвийн нутгаар, 7-нд нутгийн зүүн хэсгээр цас орж,цасан шуурга шуурч, ихэнх нутгаар хүйтний эрч чангарахыг анхааруулж байна.Ихэнх нутгаар   үүлэрхэг.Баруун зүгийн нутгийн зүүн хэсэг, Төв зүүн зүгийн нутгийн зарим   газраар бага зэргийн цас орж, зөөлөн   цасан шуурга шуурна. Салхи баруун хойноос секундэд 6-11 метр, Алтайн салбар уулс, Говь   талын нутгаар секундэд түр зуур 16-18 метр хүрч ширүүснэ. Хүйтэрч Их   нууруудын болон Дархадын хотгор, Хүрэн бэлчир, Идэр, Тэс   голын сав газраар 22-27градус, Ерөө, Туул, Тэрэлж,Хэрлэн, Онон, Улз,   Халх голын сав газраар 16-21 градус, Дорнод Монголын болон Дарьгангын тал   нутгаар 8-13 градус, Говийн бүсийн өмнөд хэсгээр 1-6 градус, бусад нутгаар 13-18   градус хүйтэнбайна.

УЛААНБААТАР ХОТ: Үүлшинэ. Бага зэргийн цас орно. Салхи зүүн хойноос секундэд 5-10 метр. Явган шуурга   шуурна. Хүйтэрч 13-15 градус хүйтэн байна.

БАРУУН АЙМГУУДЫН НУТГААР: Үүлшинэ. Шөнөдөө зарим газраар, өдөртөө нутгийн зүүн хэсгээр бага зэргийн цас орж, зөөлөн цасан шуурга шуурна. Салхи зүүн хойноос секундэд 6-11 метр, нутгийн өмнөд хэсгээр секундэд 12-14 метр хүрч ширүүснэ.Хүйтэрч Их нууруудын хотгор, Хүрэн бэлчир, Идэр, Тэс голын сав газраар шөнөдөө 31-36 градус, өдөртөө 20-25 градус, Эхийн голын Баянбүрд орчмоор шөнөдөө 12-17 градус, өдөртөө 3-8 градус, бусад нутгаар шөнөдөө 20-25 градус, өдөртөө 15-20 градус хүйтэн байна.

ТӨВИЙН АЙМГУУДЫН НУТГААР:Үүлшинэ. Зарим газраар бага зэргийн цас орж, явган шуурга шуурна. Салхи зүүн хойноос секундэд 6-11 метр. Хүйтэрч Дархадын хотгор, Хараа, Ерөө,Туул, Тэрэлж голын сав газраар шөнөдөө 26-31 градус, өдөртөө 19-24 градус, бусад нутгаар шөнөдөө 19-24 градус, өдөртөө 15-20 градус хүйтэн байна.

ЗҮҮН АЙМГУУДЫН НУТГААР: Солигдмол үүлтэй. Шөнөдөө цас орохгүй. Өдөртөө нутгийн хойд хэсгээр бага зэргийн цас орно. Салхи зүүн хойноос секундэд 6-11 метр. Шөнөдөө Хэрлэн, Онон, Улз, Халх голын сав газраар 21-26 градус, бусад нутгаар 18-23 градус, өдөртөө бүх нутгаар 9-14 градус хүйтэн байна.

ОТРЫН НУТАГ ХЭРЛЭНБАЯН-УЛААН ОРЧМООР:Үүлшинэ. Цас орно. Салхи баруун хойноос секундэд 5-10 метр хүрч цасан шуурга шуурна. Шөнөдөө 22-24 градус, өдөртөө 10-12 градус хүйтэн байна.

ГОВИЙН АЙМГУУДЫН НУТГААР: Солигдмол үүлтэй. Цас орохгүй. Салхи баруунаас секундэд 6-11 метр, зарим газраар түр зуур секундэд 16-18 метр хүрч ширүүснэ. Дундговийн нутгаар шөнөдөө 16-21 градус, өдөртөө 7-12 градус, бусад нутгаар шөнөдөө 13-18градус, өдөртөө 1-6 градус хүйтэн байна.