Гэр бүлийн хоёр хүмүүсийн нүдэн дээр загас наадуулаад 1,4 сая доллар олжээ

Саяхан энэ “шоу”-ны талаар интернэтэд тавьсан зарыг харсан Германы татварын албаныханд орлогоос нь шимтгэл авах бодол зурсхийсэн байна.

Тодруулбал 49 настай герман эхнэр нөхөр хоёр секс үдэшлэг зохион байгуулж, түүндээ хүссэн бас мөнгөтэй хүн бүрийг урин залдаг болох нь тогтоогджээ. Үдэшлэгийн гол утга учир, “шигтгээ“ нь арга хэмжээнд ирсэн зочид тэрхүү эхнэр, нөхөр хоёр хурьцал үйлдэхийг харах байв.

Тэд иймэрхүү арга хэмжээг 2005 оноос эхлэн зочид буудлын тусгайлан захиалсан өрөөнд зохион байгуулсаар иржээ. Нэг удаагийн арга хэмжээний үеэр 15 орчим хүн ирж “үздэг” байсан гэнэ. Харин энэхүү ер бусын үзвэрийн такс нь 200 евро буюу 250 доллар аж. Гэхдээ хүрэлцэн ирсэн зочид хөндлөнгөөс оролцох ёсгүй, зүгээр л харж зогсдог байна.

Энэ арга хэмжээ долоо хоногт нэг удаа ямар ч завсарлагагүйгээр болдог аж. Ингээд “зочдын” тоо болон арга хэмжээний үнийн дүнг тооцоолоод үзэхээр гэр бүлийн хос найман жилийн дотор сая орчим евро /1,4 сая доллар/ олсон байх юм. Гэхдээ үүнийг шүүх дээр нотлох болон татвараас зайлсхийсэн хэргээр торгууль ногдуулж чадахгүй нь харамсалтай.