Шинэ он Шинэ амьдрал!

Шинэ жилийн үдэш бид бүгд дотроо сайн сайхан амьдралын тухай боддог. Өөрийн сайн сайхан амьдралаа өөрөө олоход тань туслах 15 зөвлөгөөг танд хүргэж байна.

Зарим хүмүүс шинэ байранд орж, гэр бүлтэй эсвэл бяцхан үртэй болж шинэ амьдралтай золгодог гээд том том алхамыг хийдэг. Харин би заавал ийм том алхам хийж амьдралаа өөрчлөхийг хүсэхгүй байна. Надад цасан ширхэгүүд шиг жижиг жижиг мөртлөө нандин өөрчлөлтүүд хэрэгтэй. 2014 оны хамгийн анхны өдөр та амьдралаа шинээр эхлээрэй!

Энэ бол нэгдүгээр алхам! Шинэ амьдралд хөл тавихаасаа өмнө таны одоо байгаа амьдралд тань юу таалагдахгүй байгаа, юу нь болохгүй байгааг цаасан дээр бичээд дүгнэ. Цаасан дээрээ ажил, гэр бүл, найз хөнөр, чөлөөт цаг гээд доош бичээд тус бүрт нь 1-10 оноо тавь.

1-р алхамын үргэлжлэл бөгөөд 10 онооноос бага оноо авсан зүйлсэд яагаад ийм доогуур дүн авч байгааг бич. Хүн саад болж байна уу? Эсвэл өөрийн муу зангаас болж байна уу?

Та зурагтны өмнө хэдэн цаг дэмий суудаг вэ? та Файсбүүкэд хэдэн цаг дэмий үрдэг вэ? Эдгээр хэрэгслүүд нь бодит амьдралаас тусгаарладаг. Өөрийн үнэтэй цагаа зөв зарцуулаарай.

Та анхаарал тавиад байхад ерөөсөө урагшилж өгдөггүй харилцаа бол таны мөрөөдөж байсан хайр биш. Таны ирээдүйн амьдралд юу тохиолдохыг мэдэхгүй. Тиймээс ийм худлаа залуусаас холдсон нь дээр.

Яг юунаас эхлэх вэ гэхээр унтах цагаасаа 1 цагаар эрт унтаж, өглөө босох цагаасаа 1 цагаар эрт босож заншаарай. Энэ жижиг өөрчлөлт таны амьдралыг яаж өөрчлөх вэ гэвэл: та орой ядраад унтхаасаа өмнө “цагийг дэмий өнгөрөөх”-ийг хүсдэг, харин энэ цагийг орой унтаж өнгөрөөгөөд өглөө өөрийн ажлаа бэлдвэл илүү ашигтай байгаа биз?

Яг юунаас эхлэх вэ гэхээр хэрэггүй “новш”-нуудаасаа салахаас эхлэнэ: эвдэрхий тавилга, өмсдөггүй хувцас, сэтгүүл гээд танай гэрт огт ашигладаггүй зүйлсээсээ сал. Гэртээ зай гаргаж дуусаад жаахан интерьер засвар хийж болно шүү дээ!

Маш амархан: та гайхалтай харагдаж байвал та өөрийгөө гайхалтайгаар мэдрэх болно. Гоо сайхны салон орж арьсаа эмчлүүлж, үсчин орж шинэ үсний засалт, будаг хэрэглээд үзээрэй. Мөн шинэ хувцаснууд авч стилээ өөрчлөөрэй.

Өөрийн хүсдэг бүжгийн урсгалаар бүжгийн дамжаанд хичээллээрэй! Та өөрийгөө эрч хүчтэйгээр мэдэрч, дээрээс нь турна. Шинэ хөгжим тоглож сурснаар та өөр ертөнцийн хүмүүстэй танилцаж, шинэ зуршилтай болно. та хөгжмийн сонсголтгүй байсан ч хамаагүй туршиж үзэх хэрэгтэй.

Та англи хэл, орос хэл гээд олон хэл мэддэг ч бай үгүй ч бай өөрийгөө хөгжүүлсээр байх хэрэгтэй. Шинэ хэл сурч яагаад болохгүй гэж? Дараа таны ажилд, хичээлд маш их хэрэг болно.

Би нэг нууц хэлье! Би жилийн өмнө өөрийнхөө тухай өгүүллэг бичсэн юм л даа. Миний өгүүллэг нэг нэгээрээ биелсээр байгаад би их гайхсан шүү. Тэгэхээр та ч гэсэн өөрийнхөө өгүүллэгийг бичиж болно. Гэхдээ анхааруулахад таны сэтгэл хөдлөл болон өгүүллэг тань биелнэ гэдэгт итгэх хэрэгтэй.

Та өөрийн биеэ стрессгүй байлгахыг хүсэж байгаа биз дээ? Тийм бол өөртөө хатан хаан мэт хандаж, өөрийгөө хүндэл. Спортоор бага ч гэсэн хичээллэж, аль болох зөв хооллохыг хичээгээрэй. Дараа нь өөрийгөө шагнаад хар шоколоад болон дуртай жимсээ идээрэй.

1-р алхам дээр бид цаасан дээр өөрийн амьдралд дүн тавьсан. Харин одоо 2014 оны төлөвлөгөө гаргах хэрэгтэй. Яг одоо та юу хийж дээш хөгжиж болох арга зам байна, тэрийгээ энэ 2014 оны төлөвлөгөөнд багтаа.

Маш олон хүмүүс амьдралаа өөрчлөх гэхээр цалин мөнгө хүрэхгүй гэж ярьдаг. Энэ тухайгаа тэд даргадаа хэлэхээс айдаг. Боссдоо цалингаа нэмүүлэх хүсэлт тавихаас битгий ай. Магадгүй тэр өөрөө ч гэсэн нэмэх тухай бодож байсан ч юм билүү.

Таны ажлын цайны цагаар 2 цаг чөлөөтэй байна уу? Тэгвэл та өөрийн удаан  уулзаж ярилцаагүй найзтайгаа уулзаж хоолонд уриарай. Мөн өөрийгөө баярлуулж өөртөө ямар нэгэн сайхан зүйл хийгээрэй.

Үргэлж өөрийн хийсэн үйлсэд үр дүн юу байна гэж дүгнэлт хийж сураарай. Гаргасан том ч бай жижиг ч бай амжилтаараа бахархаж, алдаа онооноосоо суралцаж урагш тэмүүлээрэй.

Та өөрийн амьдралаа ямар байлгахыг хүсэж байна

Тэр л амьдралыг бүтээ