Дүрсээр өөрийгөө шинжээрэй

Хамгийн эхлээд та эдгээр дүрсүүдээс таалагдаж буй дүрсээ сонгон авна уу? Одоо та доорх сонжоог ашиглан өөрийн сонгосон дүрсийн тайлбарыг уншиж өөрийгөө шинжээрэй. Энэхүү сонжоо танд өөрийгөө танихад чинь бага ч гэсэн туслах болно.

Дөрвөлжин. Та хөдөлмөрч, зүтгэлтэй, эрхэлсэн ажлаа заавал дуусгадаг. Дүрэм журамд баригдах дуртай, бусдаас ч үүнийг шаарддаг. Тэвчээртэй, цэгцтэй ажиллах чадвартай, эрхэлсэн ажилдаа үнэнч хүн юм.

Гурвалжин. Та бол удирдах чадварыг эзэмшсэн, зорилгоо мэддэг хүн байна. Эрч хүчтэй, дайчин цогтой. Тодорхой зорилго тавьж түүндээ хүрнэ. Нэр төрд дуртай, аливааг бодитой үнэлж, ач холбогдлыг нь итгүүлж чадна.

Дугуй. Нийт таван дүрсээс хамгийн тааламжтай нь энэ юм. Та бөгөөс өндөр мэдрэмжтэй, бусад хүний бэрхшээл гунигийг хуваалцдаг, бусдын баяр хөөр, зовлон зүдгүүрийг өөрийн юм шиг хүлээж авдаг. Маргаан зөрчилдөөн үүсэхэд түрүүлж буулт хийж чадна.

Тэгш өнцөгт. Аж төрөх ёсоо голж, сэтгэл дундуур явдаг хүмүүс энэ дүрсийг сонгодог. Амьдрал байдлаа дээшлүүлэхийг ямагт эрмэлздэг. Тэд сэргэлэн цовоо, сониуч зантай, болж байгаа элдэв явдлыг сонирхон шохоорхдог зоригтой хүмүүс. Тэд аливаад санаачлагатай ханддаг, шинэ бүхнийг амархан тусгаж авдаг.

Тахир муруй дүрс. Уран бүтээлийг билэгдэнэ. Хоорондоо огт холбоогүй үзэл санааг холбож, шинэ өвөрмөц зүйл бүтээхийг эрмэлзэх нь бий. Амьдралын туршлагаар батлагдсан зүйлийг хүртэл эс зөвшөөрч, шинийг эрэлхийлдэг. Нийт таван дүрсээс хамгийн хөөрүү, амархан зоригждог хүмүүс. Энэ дүрсийг сонгосон хүн хүмүүсийг араасаа байлдан дагуулах чадвартай байдаг.