Ази тивийн аваргаас багаараа гуравдугаарт шалгарав

Өнгөрсөн долоо хоногт БНХАУ-д болсон Ази тивийн аварга шалгаруулах өсвөрийн долоо дахь болон залуучуудын 14 дэх удаагийн наадамд Монголын өсвөрийн болон залуу жүдочид амжилттай оролцож гурван алт, таван мөнгө, хоёр хүрэл медаль хүртсэн юм.

Ирээдүйн олимп, дэлхийн аваргуудыг өнөөдөр Жүдогийн холбооны ерөнхийлөгч, Үйлдвэр, хөдөө аж ахуйн сайд Х.Баттулга хүлээн авч уулзан баяр хүргэж дараа дараагийн тэмцээнүүдэд амжилтаа улам бататгахыг хүсч, өсвөрийн жүдочидтой дурсгалын зураг авахуулжээ. Ази тивийн аварга шалгаруулах тэмцээнд 24 орон оролцсоноос Монгол Улсын баг тамирчид гуравдугаар байрт шалгарав.

Д.Өлзий montsame