Үс сайхан бол зүс сайхан

Үс самнах:
Энэ нь иллэгийн нэг хэлбэр. Арьсанд хүрснээр цусны эргэлтийг эрчимжүүлж, үсний ургалтанд нөлөөлнө. Урт үсийг үзүүрээс нь эхэлж самнана. Самны шүд нь өргөн бөгөөд цөөвтөр байх ёстой.

Шампунь хэрэглэх:
Үснийхээ онцлогт тохирсон шампунь хэрэглэхдээ үсний урт богиноос хамааран 1-2 удаа хэрэглэнэ. Усанд (2 х/х цагаан цуу) хийж үсээ зайлбал гялалзсан өнгөтэй болно. Энэ нь ангижруулагчаас давуу. Хэвийн үсийг өдөр алгасан тогтмол шампуньдаж угаавал хэврэгшинэ. Иймд долоо хоногт 1-2 удаа угаахад болно

Тослог үс. Маш амархан тослогтож, наалдамхай болж арьс загатнуулахад нөлөөлөх нь бий. Гэхдээ энэ тохиолдолд ч үсийг байнга угаах нь хэврэгшүүлдэг. Долоо хоногт 2-3 удаа шампуниар угаахад болно. Угаасны дараа аяга усанд нэг ц/х цагаан цууг усандаа хийж угаавал тослогтох нь арай багасна.

Хуурай үс. Энэ төрлийн үсийг хэт бохирдоогүй бол долоо хоногт 1 удаа угаана. Ойр ойрхон үсний уг, арьсанд нь оливийн тос түрхэж байвал сайн. Мөн үсний ургалтанд сайн нөлөөтэй витамин B хэрэглэвэл зүгээр.(тосон уусмалаар байдаг). Илүүдэл тосыг зөөлөн алчуураар, арчиж арилгана. Хуурай үсэнд хүүхдийн шампунь, шингэн саван тохиромжтой. Хуурай үсэнд халуун бигуж, сэнс зэргийг аль болох бага хэрэглэ. Бие организмд витамин А, тосон хүчил дутагдахад үс хэврэгших нь бий. Энэ тохиолдолд хоол хүнсний дэглэмдээ анхаарах шаардлагатай.

Үс унах. Үүнд янз бүрийн шалтгаан нөлөөлнө. Ходоод гэдэсний үйл ажиллагаа хямрах, мэдрэлийн систем доголдоход үс унах нь бий. Хоол хүнсэндээ В витаминаар баялаг хүнсийг оруулах нь чухал.

/Хань/