Ухаалаг утастайнууд нь автобус хүлээхгүй болох нь

Өвлийн хүйтэнд ажил, сургуулиа тарчихаад харанхуй болсон хойно автобус хүлээж хэзүү ч одоо ингэх шаардлагагүй. Та суух автобусаа хаана явааг интернэт ашиглан хялбархан мэдэж болохоор болжээ.

“БиТиЖиТи” компаниас санаачлан бүтээсэн энэ үйлчилгээнд эхний ээлжинд нийтийн тээврийн үйлчилгээ эрхлэгч “Автобус-1”, “Цахилгаан тээвэр” компанийн 200 орчим тээврийн хэрэгсэл хамрагдсан байна. Зорчигч таны хувьд интернэтээрhttp://bus.gps.mn хаягаар нэвтэрч, аль чиглэлийн ямар автобус яг энэ цаг мөчид хаана явж байгааг мэдэж болох юм.

“БиТиЖиТи” компанийн зүгээс тун удахгүй iPhone болон Android үйлдлийн системтэй гар утсанд зориулсан app гаргахаар ажиллаж буй гэнэ. Түүнчлэн хамрах хүрээг нэмэгдүүлж, нийтийн тээврийн үйлчилгээ эрхэлж буй бусад компаниудын автобуснуудыг хамруулах зорилготой байгаа. Тэгснээр бүх чиглэлийн бүх автобусны байрлалыг харах боломжтой болох юм.

Азтай

эх сурвалж: www.fact.mn