Б.Энэбишийн хэргийг хэрэгсэхгүй болгож магадгүй

“Эрдэнэс Тавантолгой” компанийн гүйцэтгэх захирлаар ажиллаж байсан Б.Энэбишид холбогдох хэргийг хэрэгсэхгүй болгож магадгүй нь.

Учир нь тус хэрэгт яллагдагчаар татах буруутан тогтоогдоогүй гэх үндэслэл гаргаж, хэргийг нь түдгэлзүүлжээ.

Хэргийг эргэн сануулбал, Б.Энэбиш нарын албан тушаалтнуудыг албан тушаалаа урвуулан ашиглаж, 1.6 тэрбум төгрөгийн үнэ бүхий 10 ширхэг самосвал машин, чанарын шаардлага хангахгүй дугуй авсан хэмээн буруутган шалгаж байсан юм.

Энэ шийдвэрийг прокурорын байгууллагаас гаргасан бөгөөд хилээр оргон зайлсан учраас хэргийг хэрэгсэхгүй болгосон гэх мэдээлэл нь худлаа ажээ.

Ж.Отгон