Ихэнх нутгаар цас орж, цасан шуурга шуурна

Өнөөдрөөс нутгийн баруун хэсгээр, маргаашнаас ихэнх нутгаар цас орж, цасан шуурга шуурч хүйтрэхийг мэргэжлийн байгууллагаас анхаарууллаа.

7-нд ихэнх нутгаар, 8-нд зүүн зүгийн нутгаар, 9-нд баруун зүгийн нутгийн зүүн хэсэг, төвийн нутгаар, 10-нд нутгийн зүүн хагаст цас орж, салхи секундэд 12-14 метр хүрч цасан шуурга шуурна.

Хүйтэрч Их нууруудын болон Дархадын хотгор, Хүрэн бэлчир, Идэр, Тэс голын сав газраар шөнөдөө 29-34 градус, өдөртөө 17-22 градус, Сэлэнгэ, Хараа, Ерөө, Туул, Тэрэлж, Халх голын саваар шөнөдөө 23-28 градус, өдөртөө 11-16 градус байх нь.

Говийн бүс нутгийн өмнөд хэсгээр шөнөдөө 12-17 градус, өдөртөө 3-8 градус, бусад нутгаар шөнөдөө 17-22 градус, өдөртөө 8-13 градус хүйтэн байх гэнэ.

Б.Туул

МОНЦАМЭ