Огноо: 2013/12/5 11:29:59

V цахилгаан станцаас өмнө М.Сономпил сайдын барилга тэнгэр баганадана

1386126405_img_1130.jpg.640x0_q85_upscale

УИХ-д жагсаалтаар ороод ирчихсэн нэг нөхөр бий. “Залуу Монгол” хэмээх группын эзэн М.Сономпил гэвэл дээхнэ үеийн Дарханыхан андахгүй мэдэх болно. Яагаав нөгөө 2004 онд Дарханаас УИХ-ын гишүүн болж байсан гээд бүүр түүрхэн ч санаж байж мэднэ. Тэгвэл одоо энэ эрхэм МАХН-МҮАН-ын нэр дээрээс “жагсаалтын” гишүүн болсон төдийгүй бүүр Эрчим хүчний сайд хийгээд эхнэртэй лам шиг шоволзож яваа.

УИХ-д ёстой байгаа байхгүй нь мэдэгдэхгүй, ямар байнгын хороонд юуны тухай яриад ямар санал дээр үг хэлж байсныг нь хэлэх битгий хэл санах хүн ч бага. Ёстой л өнөөх дуугуй хүн гэдэг нь энэ боловч доодох нь нойтон уу? гэвэл бас ч гэж хуурай биш бололтой.

Чингис хэмээх шар айрагны уушийн газар 19-р хороололд гүүр даваад л байдгийг Улаанбаатарчууд андахгүй мэдэх билээ. Тэгвэл эрхэм сайдын эрхэлдэг бизнесийн суурин дээр тэнгэр багандсан өндөр барилга гэрлийн хурд лугаа адил сүндэрлэн байна.

Эрхэлсэн ажилдаа нэгн иймэрхүү байгаасай хэмээн халаглан суух хүн ч олон байна. Хичнээн жил дуншсан V -р цахилгаан станцын ширхэг тоосго ч хөдлөөгүй байхад салбарынх нь сайдын барилга өдрөөр биш цагаар суналзтал баригдаж байгаа нь өөрийн эрх ашигаас хувийн эрх ашиг нь илүү гарсан юм бишүү хэмээн хардах сэтгэл өөрийн эрхгүй төрнө.

Соном сайдын барилга баригдаад дуустал V-р цахилгаан станцын ядаж нэг туйпуу хөдлөөсэй билээ л гэж найдхаасдаа.

tsag.mn

URL: