Огноо: 2013/11/26 11:32:10

21 настай 4 хүүхэдтэй энэ бүсгүйн гэрт идэх хоол, түлэх түлээ алга, хамтдаа туслая

445 Сэтгэл өмрөөд л .Байнга л бодогдоод байх юм… Айлын хашаа түрээслэн 4 хүүхдийнхээ хамтаар амьдарч байгаа 21 настай эх. Тэрээр дөнгөж 21 настай 4 хүүхэдтэй. Хамгийн том охин нь 3 настай , харин дараагийн нь 1 нас 6 сартай. Харин хамгийн бага нь ихрүүд дөнгөж 3хан сартай юм. Нөхөр нь хаяад явчихсанаас болж ямар ч орлогогүй болсон. Өөрөө нялх биетэй, олон хүүхдээ харах хэрэгтэй тул ажил хийж чадахгүй , ихрүүдийнхээ 120мянган төгрөгөөр л болгож амьдардаг юм байна. Үнэндээ идэх хоолгүй, түлэх түлээгүй, түрээсийн мөнгөө өгч чадахгүй энэ ам бүл тун зутруухан байдалтай байна. өдрөөс өдөрт хүйтэрч гэр нь хүйт дааж хүүхдүүд нь даарч бээрнэ. Идэх хоол ундгүйгээс дөнгөж амаржсан эмэгтэйн хөхөнд сүү орохгүй ихрүүд нь уйлсан байдалтай. Нөхөр нь энд тэнд харуул, хамгаалагч хийдэг ч байнга хаяад явчихдаг. Намайг байхгүйд болж л байгаа биз дээ гээд тоодоггүй. ах дүүс , ойр орчмын хүмүүс нь тусладаг ч байнга туслалцаа аваад байх хэцүү. Аргаа бараад хорооны нийгмийн ажилтандаа хандаж хүнсний талонд хамрагдаж чаджээ. Ядаж гурван настай охиноо цэцэрлэгт өгье гэхээр хахуул нэхэж “халаас руу нь өнгийгөөд”хараад авдаггүй гэнэ . Гэрийн гадаа нь тал шуудай нүүрснээс өөр зүйл үнэндээ алга. Яах вэ энэ эмэгтэйг, энэ хүүхдүүдийг үнэхээр зүрх зүсэгдэх шиг л боллоо. Хүүхдүүдийн ирээдүй үнэндээ бүрхэг байна. Тиймээс 4 хүүхдийнхээ төлөө амьдралын төлөө хэрхэж, юу хийхээ сайн мэдэхгүй байгаа энэ залуу эмэгтэйд тус болчих сайхан сэтгэлтэй хүмүүс байна уу . Энэ дансны дугаарлуу шилжүүлнэ үү өөр дугаар бол хуурамч.