Зуслангууд ирэх сарын эхээр нээгдэнэ

Дунд сургуулийн сурагчдын зуны амралт энэ сарын 23-наас эхэлнэ. Үүнтэй холбоотойгоор нийслэлийн ногоон бүсэд үйл ажиллагаа явуулдаг хүүхдийн зуслангууд эхний ээлжээ хүлээн авахад бэлэн болсон байна.

Энэ жилийн хувьд 15 зусланд хүүхэд багачууд зуны амралтаа өнгөрүүлэх боломжтой юм. Эдгээр зуслангийн дөрөв нь гэр оронгүй, эмзэг бүлгийн хүүхдүүдийг амраах халамжийн зуслан байх аж.

Төлбөрийн хувьд дунджаар 90-120 мянган төгрөг байх юм. Зуслангууд ирэх сарын 5-наас эхний ээлжийн амрагчдаа хүлээн авна.