МУИС –ийн багш, судлаачид “PIVOT” системийг ашиглана

МУИС-ийн багш, судлаач нарын эрдэм шинжилгээ, судалгааны ажлыг дэмжих зорилгоор тус сургууль дэлхийд алдартай  PIVOT олон улсын төслийн зарлалын хайлтын системийг энэ сарын 30-ны өдрийг хүртэл туршилтаар ашиглахаар болов.

Уг хайлтын системийг ашиглаж Funding болон Profile-ийг турших боломжтой юм. PIVOT системээс  бүхий л салбар чиглэлийн эрдэм шинжилгээ, судалгааны ажлыг санхүүжүүлэх ивээн тэтгэгч, ижил чиглэлээр судалгаа хийж байгаа эрдэмтэн, судлаачдын сүүлийн үеийн бүтээлийн жагсаалт, судалгааны ажлын хураангуй, холбоо барих хаягууд гээд хэрэгтэй мэдээллүүдийг авах болон хамтран судалгаа хийх судлаач, судалгааны багийг сонгох боломжтой. Энэ хайлтын системтэй 26 мянган судалгааны сан хамтарч, 33 тэрбум долларын хөрөнгө эргэлдэж байдаг аж.

Багш, судлаач нар  МУИС-ийн и-мэйл, нууц дугаараар зааврын дагуу нэвтэрч болно. /@num.edu.mn гэсэн и-мэйлээр бүртгүүлнэ/. Бүртгүүлсэн хаягаар тань баталгаажуулалт хийхийг сануулсан и-мэйл ирэхэд зөвшөөрснөөр таны хаяг идэвхтэй болно. Системд нэвтрэх боломжгүй бол өөрийн и-мэйлийг сонирхсон эрдэм шинжилгээ, судалгааны чиглэл болон сэдвийн хамтаар Гадаад харилцаа хамтын ажиллагааны хэлтсийн  int_rel@num.edu.mn хаягаар илгээж болно.

Д.Өлзий МОНЦАМЭ