Зуудаг нохойноос хамгаалах төхөөрөмж бүтээжээ

Манай хойт хөрш ОХУ-д айлын зуудаг ба золбин нохойны дайралтаас хамгаалах, урж ноцох аюулаас урьдчилан сэргийлж, нохойг айлган турхирч холдуулдаг “Кобра” хэмээх нэртэй хувцасны халаасанд багтаж, зайгаар ажилладаг, гар утас мэт авсаархан төхөөрөмж бүтээж, үйлдвэрлэн худалдан авагчдад нийлүүлсэн байна.

Энэ багажийг халаасандаа авч яваад эгзэгтэй үед гаргаж, товчлуураа дарж, нохойн өөдөөс арван метрийн зайнаас барихад зуудаг нохой багажны хэт өндөр давтамжийн дуу чимээг мэдэрмэгц хүнээс холдон явдаг ажээ. Хүүхэд том хүн ялгаагүй биедээ авч яваад шаардлагатай үед хэрэглэвэл нохойд уруулах, ноцуулах аюулаас таныг аварч чадна.

Нохойд уруулж, ноцуулахад таны эрүүл мэндэд ялангуяа таны тархи мэдрэлийи төвд маш аюултайг санагтун. Энэ жижиг багажийг худалдаа наймаа эрхлэгчид хойт хөршөөсөө авч ирж, худалдан эгэл олондоо буян үйлдээсэй.

Уг багаж нь 12 сарын баталгаатай, гурван жил ашиглах боломжтой гэнэ. Та захиалах хүсэлтэй байвал ОХУ-ын 88-00-70-00-737 дугаарын угсаар холбоо барьж болно гэнэ. Ард иргэдийнхээ тусын тулд мэдээлсэн