90x60x90-ийн биеийн харьцаатай эх дэлхийн гоо бүсгүй /фото/

Эх дэлхийн гоо бүсгүйг тодруулах ёслолын ажиллагаа өнгөрсөн бямба гарагийн шөнө Москва хотын  “Crocus City Hall” ордонд явагдлаа. Хамгийн сэтгэл догдлуулсан мөч ирж, эх дэлхийн гоо бүсгүйгээр Венесуэлийн гоо бүсгүй Габриэла Ислер шалгарлаа.
Хоёр, гуравдугаар байрт Испанийн гоо бүсгүй Патрисия Родригес, Эквадорын гоо бүсгүй Констанца Баес нар шалгарсан байна. Зохион байгуулагч орныг төлөөлж ОХУ-ын өнгөрсөн жилийн гоо бүсгүй Эльмира Абдразакова оролцсон ч шилдэг 16-д багтаж чадаагүй байна.
Эх дэлхийн гоо бүсгүй болсон Габриэла Ислер нь 1988 онд Венесуэлийн Валенсия хотод төрсөн, энэ жил 25 настай. Маркетинг менежментийн чиглэлээр дээд сургууль төгсөн, нутгийнхаа телевизэд ажилладаг бүсгүй юм байна. Тэрээр 181 см өндөртэй бөгөөд хамгийн төгс бие гэдэг 90x60x90-ийн биеийн харьцаатай ба энэ нь түүний давуу тал болж олон орны бүсгүйчүүдийг ардаа хаяж чадлаа.