Монгол Улсын Ерөнхийлөгч Панмүнжоны цэрэггүй бүсэд зочиллоо

Монгол Улсын Ерөнхийлөгч энэ сарын 29-ний өдөр буюу айлчлалынхаа хоёр дахь өдөр БНАСАУ-ын Панмүнжоны цэрэггүй бүсэд зочиллоо. Тэрээр 38 дугаар өргөрөгт зочилсон гадаад орны анхны Төрийн тэргүүн болсон юм. Цэрэггүй бүсээс буцах замдаа Гонмин хаан, Монгол хатны бунхныг үзэв.

Айлчлалын хүрээнд Монгол Улсын Ерөнхийлөгч Кымсүсаны Нарны ордонд зочилж БНАСАУ-ын удирдагч Ким Ир Сен, Ким Чен Ир нарын бунханд хүндэтгэл үзүүллээ.

Монгол Улсын Ерөнхийлөгчийн БНАСАУ-д хийж буй төрийн айлчлал үргэлжилж байна.

/www.president.mn/