Иракт олонтаа дэлбэрэлт гарлаа

Иракийн нийслэл Багдад болон хойд нутгийн Мосул зэрэг хотуудад 27-ны өдөр олонтаа дэлбэрэлт болж, наанадаж 56 хүн эндэж, 149 хүн шархадлаа.

Багдадад 9 удаа автомашин дэлбэлсэн хэрэг гарсан бол хамгийн ноцтой нь хотын зүүн өмнөд хэсэг 2 машин зэрэг дэлбэлж 7 хүний аминд хүрчээ. Мөн тус хотын хойд, өмнөд дүүрэгт гарсан дэлбэрэлтийн улмаас 12 хүн эндэж, хэдэн арван хүн шархдаад байна. Мөн зүүн дүүргийн нэгэн захыг дэлбэлснээр 4 хүн эндэж, 7 хүн шархадлаа.

Одоогоор хувь хүн, байгууллага дээрх хэрэгт хариуцлага хүлээхээ мэдэгдээгүй байна.