У.Мөнх-Эрдэнийн хүрэл медаль буюу боксын холбоонд өгсөн сануулга

Казахстаны нийслэл Ал­ма-Ата хотод боскын дэл­хийн аварга шал­га­руулах тэмцээн болж өндөр­лө­лөө.  Энэ удаагийн дэлхийн авар­га шалгаруулах тэмцээнд ма­най улс шилдэг долоон та­мирч­наа оролцуулж, нэг хүрэл медальтай ирлээ. Ямартай ч медалын буухиа тасарсангүй.  Ерөн­хийдөө манай тамирчид тун сайн оролцсон. Манай та­мирч­дыг ялсан боксчин бол­гон медаль хүртэж, финалд шал­гарсан гэхэд болно. Энэ ут­­гаар нь аваад үзвэл ерөнхий үр дүнгээрээ манай тамирчид сайн байлаа.

Гагцхүү шүүгчгүйн зов­лонг хангалттай амслаа. Д.От­гондалай, Б.Түвшинбат гээд олон тамирчин өрсөлдөгчөөсөө илүү байсан. Гэсэн ч ялж ча­даагүй. Шүүгчийн шийдвэр ма­най тамирчдын ялалтад их том нөлөө үзүүлж, дарсан гэж бокс сонирхогчийн хувьд ч, сэт­гүүлчийн нүдээр ч хараад бай­гаа юм. Хэрвээ шүүгч­тэй байж байгаад, 3-4 тамирчин ме­далын төлөө гараад ирсэн бол үр дүн арай өөр байх бай­лаа. Гэхдээ шүүгчгүй гээд ялах­гүй гэсэн ойлголт байхгүй. Шүүгч­тэй нь хамт хожихын тулд бэлт­гэлээ базаах нь тамирчин хүний хийх ёстой зүйл.  Бараг л гэртээ бэлтгэл хийж байгаад явсан Гавьяат тамирчин У.Мөнх-Эр­дэнэ гадны тамирчдыг, шүүгч­тэй нь хамт ялаад, хүрэл медаль аваад ирлээ. Түүний ур чадвар, бэлтгэлжилт, туршлага үнэхээр сайн байлаа.

У.Мөнх-Эрдэнийн  авсан энэ медаль, Монголын нүүрийг тахлаад зогсохгүй бок­сын холбооныхонд том сануулга өг­лөө. Зөвхөн Монголын бок­сын холбоо гэлтгүй дасгал­жуу­лагчид, тамирчдад өгсөн са­нуулга байсан юм. Тэр хэлсэн үгэн­дээ хүрлээ, медаль авлаа, олон долоон юм ярьж, өөрийг нь “жийх” гээд байсан нөхдүүдийн ам руу чангахан “алгадлаа”.  Ясны тамирчин гэдэг ийм л бай­даг юм.  Өнөөдөр У.Мөнх-Эр­дэнийн нас хэд билээ, ямар бэлтгэл хийлээ. Энэ бүхнийг нь бодоод үзвэл хүрэл медаль гэдэг муугүй амжилт. Гэхдээ л үүнээс илүү амжилт үзүүлж болох байсан. Хэрвээ түүнийг олон ул­сын хамтарсан бэлтгэлүүдээс хоцроолгүй, ном журмынх нь дагуу авч яваад байсан бол Монголын тамирчдын нүүрийг тахалсан ганц медалын өнгө ямар ч байх байсан юм билээ, хэн мэдлээ.  Монголын боксын хол­боо, дасгалжуулагч багш нар  шигшээ багийн тамирчныг хам­тарсан бэлтгэлд авч явах­гүй, хяхаж хавчих маяг гар­гасан нь медалын өнгө хувирах бо­ломжийг хаачихлаа гэж дүг­­нэж байна. У.Мөнх-Эрдэнэ хам­­тарсан бэлтгэлд яваагүй, ху­­виараа шахуу өөрийгөө бэлт­гэ­сэн гэхэд медалын тавцанд зогсч чадлаа. Тэр үнэхээр агуу гэх ангилалд багтахаар та­мирчин юм. Нөгөөтэйгүүр тэм­цээнд явахын өмнө сэтгэл са­наа тогтворгүй байсан.

Явах эсэх нь шийдэгдэж өгөхгүй, хол­бооны зүгээс дарамт ирээд л. Тамирчин хүнд биеийн бэлт­гэлээс гадна сэтгэл са­нааны бэлтгэлжилт, тогт­вортой байдал тун чу­хал. Гэтэл тэм­цээнд явахынх нь өмнө янз бү­рээр хааж, боож, сэтгэл санааг нь тогтворгүйжүүлсэн.  Энэ нь түү­нийг медалын өнгөө хувир­гахад нөлөөлчихлөө. Хэрвээ эхнээс нь холбоо дэмжээд, сэтгэл са­наагаар нь өргөөд, түрүүлж чад­на гэж хэлээд явуулсан бол Кубын залуу тамирчинг ялах ч байсан юм бил үү. Уг нь тийм ч дутуу тоглоогүй. Гэхдээ заа­вал ялж, алтан медаль аваад, на­майг голсон нөхдүүдэд мэд­рүүлнэ дээ гэсэн бодолдоо хэт авт­сандаа болоод ялагдсан ч байж болох шүү дээ.

Энэ мэ­тээр түүний медалын өнгөө ху­виргаж чадаагүй нөхцөл бай­дал, шалтгааныг хайгаад  бай­вал барагдахгүй. Энэ бүх­­нийг Монголын боксын хол­­­бооныхон, шигшээ багийн дас­­галжуулагчид дотроо тун­гааж  байгаа биз ээ. Мөн Мон­го­­лын боксын холбоо үнэхээр жул байна. Баахан туршлагагүй хү­­мүүс аваачаад тавьчихсан. Өнөөх нөхдүүд нь гадаадад очоод хүнтэй аятайхан ярь­чихаж ча­даж ч байгаа юм уу, үгүй ч юм уу бүү мэд.  П.Сэрдамба гэ­хэд үнэхээр сайн тамирчин. Олим­пийн мөнгөн медальтай, дэл­хийн аварга хүнийг хэн ч сайн тамирчин гэнэ. Гэхдээ тэр бү­хэл бүтэн боксын холбооны Ерөнхий нарийн бичгийн дарга хийж чадах уу гэдэг нь бас л эргэлзээтэй.

Саяны дэлхийн авар­га шалгаруулах тэмцээн ч гэсэн удирдлага муу байгааг ба­талж харуулсан хэрэг биш үү. Энэ асуудлыг холбоо өөрсдөө харж, шийдвэрлэнэ биз ээ. Дээрээс нь олон жил Монгол Улсын нүүрийг тахалсан, тэм­цээн бүрээс медаль авч бай­сан У.Мөнх-Эрдэнэд өгөөгүй үлд­сэн цол тэмдэг, шагнал урам­шуу­лал байвал одоо л өгдөг цаг. Ядаж ганц нэг цол, тэмдэгийг харамлахгүй байлгүй дээ, энэ төр засаг.

Н.Пунцагболд