“Улаанбаатар ЦТС” ТӨХК-ийг шалгаж эхэллээ

МХЕГ-ын энэ оны хяналт шалгалтын нэгдсэн төлөвлөгөөний дагуу “Улаанбаатар цахилгаан түгээх сүлжээ” ТӨХК-ийн үйл ажиллагаанд энэ сарын 21-ны өдрөөс хяналт шалгалтыг эхлүүллээ. Шалгалтаар “Эрчим хүчний тухай”, “Барилгын тухай”, “Радио долгионы тухай”, “Харилцаа холбооны тухай”, “Хэмжлийн нэгдмэл байдлыг хангах тухай”, “Стандартчилал, тохирлын үнэлгээний тухай”, “Автотээврийн тухай”, “Төрийн болон орон нутгийн өмчийн тухай” болон Хөдөлмөрийн аюулгүй байдал, эрүүл ахуйн тухай хуулиуд, тэдгээрт нийцүүлэн гаргасан дүрэм, журам, стандартуудын мөрдөлтийг хангуулах, эрсдлээс урьдчилан сэргийлэх талаар зохиож байгаа ажил, үр дүн зэргийг шалгаж байна.

“Улаанбаатар цахилгаан түгээх сүлжээ” ТӨХК-ийн Баруун түгээх төв, Зүүн түгээх төв, Өндөр хүчдэл түгээх төв, Зуунмод түгээх төв, Налайх түгээх төв, Хэрэглэгчдэд үйлчлэх төвүүд энэ удаагийн шалгалтад хамрагдаж байгаа бөгөөд цахилгаан эрчим хүч түгээх үйл ажиллагаа, өргөгч, өргүүр, кран, лифтүүд, барилга байгууламжын ашиглалт, хэмжлийн нэгдмэл байдал, ажлын байрны хөдөлмөрийн аюулгүй байдал, эрүүл ахуй зэрэг холбогдох хяналтын хуудсуудаар шалгалтыг хийж гүйцэтгэх юм.

Мөн шалгалтын хүрээнд тус байгууллагын ажилтан, албан хаагчдад байгууллагадаа дотоод хяналтын хэрхэн явуулж, хэвшүүлэн ажиллах талаар сургалт хийгдлээ.

Шалгалт үргэлжилж байна.

МХЕГ

www.fact.mn