18 мянган тонн буудай цасанд дарагджээ

Манай улс энэ намар 351 мянган тонн буудай, 211.8 мянган тонн төмс, 103.4 мянган тонн хүнсний ногоо, малын тэжээлийг 41 мянган тонныг хураажээ.

Энэ жилийн буудайны чанар өнгөрсөн жилийнхээс сайн байгааг албаны хүмүүс хэллээ.

Тариалан эрхлэлтийг дэмжих санд тариаланчдаас авсан буудайн мэдээллээ арванхоёрдугаар сарын эхээр Засгийн газарт хүргүүлэх юм байна.

Манай улс энэ онд 12 аймгийн 58 суманд буудай тариалснаас одоогийн байдлаар 351 мянган тонн буудай хураан авчээ.

Сүүлд орсон цасны улмаас 45 орчим мянган га талбай цасанд даруулж, хурааж авахаар төлөвлөсөн буудайн 30 орчим хувь буюу 18 мянган тонн нь хаягдахад хүрчээ.

Э.Өнөр /ЗУУНЫ МЭДЭЭ/