Монголын хөлбөмбөгийн шинэ цэнгэлдэх хүрээлэн нээлтээ хийнэ

Монголын хөлбөмбөгийн холбоо шинэ цэнгэлдэх хүрээлэнгийнхээ нээлтийг энэ сарын 13-нд хийх гэж байна.

Олон улсын хөлбөмбөгийн холбооны “Goal-V” төслөөр хийгдсэн 5000 орчим үзэгчийн суудал, “Goal-VI” төслөөр хийгдэж буй зүлэг солих ажил үндсэндээ шувтарч байгаа юм байна.

Энэхүү ажлыг Олон улсын хөлбөмбөгийн холбооны тендерт ялсан Нидерландын “Green Field” компани, Монгол дахь туслан гүйцэтгэгч “Дэрэн наран” ХХК-ийн хамт олон хийж гүйцэтгэжээ.

Цэнгэлдэх хүрээлэнгийн нээлтэд зориулан Супер цомын төлөөх тоглолт болох бөгөөд 2013 оны “Нийслэл лиг”-ийн аварга “Эрчим”, “Боргио цом”-ын эзэн “Хангарьд” клубүүд ирэх ням гаригт тоглох юм байна.

Б.Ирээдүй