Д.Гомбодорж, П.Өнөрбат нар дахин хүрэл медаль авлаа

ОХУ-ын Якут улсын Якутск хотод ЗХУ-ын Гавьяат дасгалжуулагч Д.П.Коркиний дурсгалд зориулсан ҮI дахь чөлөөт бөхийн уламжлалт “Гран-При” олон улсын тэмцээн өндөрлөлөө.

Манай бөхчүүд энэ тэмцээнээс медаль авдаг уламжлалаа үргэлжлүүүлж 74 кг-ын жинд олон улсын хэмжээний мастер Д.Гомбодорж, П.Өнөрбат хоёр хүрэл медаль хүрч хэд хоногийн өмнө ОХУ-ын Кемеров хотод болсон “Шахтёрская слава” олон улсын тэмцээнээс авсан хүрэл медалиа ихэрлүүллээ.

    А.П.Коркиний дурсгалд зориулсан олон улсын тэмцээнээс П.Өнөрбат 2008 оны мөнгө, 2012 оны хүрэл медаль дээрээ дахин хүрэл авсан бол Д.Гомбодорж 2011 оны хүрэл медалиа хошой болгожээ.

55 кг    1. Владимир Флегонтов /Якут/

2. Николай Охлопков /Якут/

3. Юнус Сармасти /Иран/

3. Беликто Аюшеев /Буриад улс/

Манай бөх дэд мастер Бат-Эрдэнийн Мөнхбат /”Арслан” клуб/ нэгдүгээр тойрогт хийлж хоёрдугаар тойрогт ираны бөх Ф.Жалайд 0:8 онооны харьцаагаар ялагджээ.

60 кг    1. Б.Батоев /Буриад улс/

2. В.Ефремов /Якут улс/

3. Е.Пономарёв /Якут улс/

3. Н.Скрябин /Якут улс/

Манай бөх олон улсын хэмжээний мастер Батболдын Номин /”Гацуурт-Олимп” сургууль/ нэгдүгээр тойрогт молдавын бөх И.Друченскийг 2:0 ялж хоёрдугаар тойрогт монголын бөх Б.Өсөхбаярт 2:10 онооны харьцаагаар ялагджээ.

Манай залуу бөх Баатархүүгийн Өсөхбаяр /”Хөх чоно” клуб/ нэгдүгээр тойрогт грекийн бөх Т.Валканиотесийг 7:0, хоёрдугаар тойрогт монголын бөх Б.Номинг 10:2 онооны харьцаагаар өвдөг шороодуулж гуравдугаар тойрогт якутын бөх Н.Скрябинд цэвэр даруулжээ.

66 кг    1. Менги Мортуй-оол /Тува улс/

    2. Арсалан Будажапов /Буриад улс/

3. Игорь Захарушкин /Кемеров муж/

3. Ихтиор Наврузов /Узбек/

Манай бөх дэд мастер Даваацэрэнгийн Хатанбаатар /”Арслан” клуб/ нэгдүгээр тойрогт хийлж хоёрдугаар тойрогт грекийн бөх А.Траиндофиловтой барилдаж 3:4 онооны харьцаагаар дийлджээ.

74 кг    1. Исраил Касумов /Красноярскийн хязгаар/

2. Абдурашид Рашидов /Кемеров муж/

3. Доржваанчигийн Гомбодорж /”Хүч” спорт хороо/

3. Пүрэвжавын Өнөрбат /Дархан-уул аймаг, “Мега-Старс” клуб/

Манай бөх олон улсын хэмжээний мастер Д.Гомбодорж нэгдүгээр тойрогт дагестаны бөх Г.Гажиевт 4:8 онооны харьцаагаар дийлдэж дагах барилдаанд Хойд Осетийн бөх З.Наниевийг 8:8, якутын бөх Д.Щадринийг 4.3 онооны харьцаагаар ялж хүрэл медалийн төлөө барилдаанд ираны бөх Гияса Чекаг 10:2 онооны харьцаагаар өвдөг шороодуулжээ.

Манай бөх олон улсын хэмжээний мастер П.Өнөрбат нэгдүгээр тойрогт якутын бөх М.Додоховыг 6:3, хоёрдугаар тойрогт ираны бөх Я.Пейманыг 6:2 онооны харьцаагаар ялж гуравдугаар тойрогт Красноярск мужийн бөх Исраил Касумовт 6:9 онооны харьцаагаар хожигдож дагах барилдаанд дагестаны бөх А.Ращидовыг 3:2 онооны харьцаагаар хожиж хүрэл медалийн төлөө барилдаанд якутын бөх О.Черновыг 3:1 онооны харьцаагаар хожжээ.

84 кг    1. Алиреза Карими /Иран/

2. Ильяс Хамикоев /Азербайжан/

3. Сергей Казарян /Красноярскийн хязгаар/

3. Ибрагим Юсубов /Азербайжан/

Манай бөх олон улсын хэмжээний мастер Мягмарын Мэндсайхан /”Харгант-Цамхаг” клуб/ нэгдүгээр тойрогт бөх якутын бөх В.Соловьевийг 7:0 ялсан ч хоёрдугаар тойрогт Хойд Осетийн бөх Г.Черткоевт хожигджээ.

96 кг    1. Шамиль Ахмедов /Дагестан улс, дэлхийн залуучуудын аварга/

2. Асланбек Алборов /Азербайжан/

3. Е.Одиказе /Гүрж/

3. Ю.Жалилов /Беларусь/

120 кг    1. Давид Модзманашвили /Гүрж/

2. Торнике Хидашели /Гүрж/

3. Сослан Гаглоев /Словак/

3. Ж.Амили /Иран/

Манай чөлөөт бөхийн тамирчид ойрын үед ОХУ-ын Красноярск хотод аравдугаар сарын 25-27-ны өдрүүдэд болох олимпийн гурван удаагийн аварга Б.Сайтиевийн нэрэмжит өсвөр үеийн олон улсын тэмцээн, ХI сарын 22-24-ний өдрүүдэд Азербайжан улсын Баку хотод болох Г.Алиевийн дурсгалд зорулсан “Алтан Гран-При” тэмцээнд оролцоно.