Sweetymotion Чинбаагаа балиашиглана

Чилийсэн урт долоон жилийн хугацаанд АНУ-д амьдарч байсан Emotion-ы бүсгүйчүүд эх орондоо дуулиантайгаар эргэн ирсэн цаг саяхан.

Нэрээ сольж, нэг гишүүнээ “чөлөөнд” нь гаргаад “Бид бол number one шүү” гэсэн өнгө аястай тоглолтоо ч хийсэн. Үзэгч олон тэдний уран бүтээлийг санаж хүлээсэндээ ч биш харин  хэрхэн өөрчлөгдсөнийг нь сонирхох гэж Улсын циркт цугласан. Харин тоглолтынхоо үеэр  ганц хоёр шинэ дуу гаргасан ч “газар авалгүй” байсаар мартагджээ.

Залуу насных нь цор ганц өрсөлдөгч байсан “Уруулын будаг” хэдийнээ замхран арилж, араас нь цахиур хагалан гарч ирсэн, тэднээс ч илүү ур чадвартай охидын хамтлагууд хэдийнэ байр сууриа эзэлсэн байлаа. Ингээд экс Emotion-д орон зай үлдсэнгүй. Өнгөрсөн гуравдугаар сард Европын орнуудаар аялан тоглолтоо хийнэ гэж байсан нь ч талаар болж, одоо АНУ-ын Чикагод сууцгааж байна.

Хамтлагийн продюсер  Б.Чинбат төгөлдөр хуурын шинэ цомог гаргасан бөгөөд ирэх намар эх орондоо тоглолт хийхээр төлөвлөсөн гэнэ. Sweetymotion-ы бүсгүйчүүд Чинбаагаа балиашиглахаар л ирэх намар  эргэн ирэх бололтой.

Г.БАТХҮҮ