Оюутнууд ургац хураалтад гарлаа

Монголын Залуучуудын Холбоо, Залуучуудын хөдөлмөрийн төв бирж, ҮХААЯ хамтран “Ажилтай орлоготой, Монгол залуу” хөтөлбөрийн хүрээнд “Намрын ажил-залуус” төсөл хэрэгжүүлж эхэллээ.

Уг ажилд их, дээд сургуулийн оюутнууд болон ажилгүй иргэд хамт олноороо нэгдэн оролцож байгаа аж.

Түүнчлэн төсөлд хамрагдсан “Монгол” дээд сургуулийн 50 гаруй оюутан Төв аймгийн Жаргалант, Сэлэнгэ аймгийн Сайхан суманд ургац хураалтын ажилд оролцохоор аян замдаа гарлаа.

Түүнчлэн “Хамаг Монгол” МСҮТ-ийн 55 оюутан Сэлэнгэ аймгийн Сайхан суманд, “Монгол” дээд сургуулийн 15 оюутан Дархан-Уул аймгийн Шарын гол суманд очиж ургац хураалтын ажилд оролцохоор боллоо.