Дэлхийн хамгийн алдартай зураг болох “Mona Lisa” -ийн нууц

“Mona Lisa” / Leonardo da Vinci
Дэлхий дахинаа танигдсан хамгийн алдартай энэхүү уран зурагт Италийн зураач Леонардр да Винчи Лиза дел Жокондагийн хөргийг буулгасан бөгөөд 1503 оноос зурж эхэлсэн гэсэн таамаг байдаг. “Мона Лиза” уран зургийн хамгийн сонирхолтой басхүү нууц утга илэрхийлсэн өгүүлэмжийг түүний нууцлаг инээмсэглэлтэй холбон үздэг боловч Итали эрдэмтдийн олж мэдсэнээр Мона Лизагийн нүдэнд маш жижиг хэмжээтэй үсэг болон тоонууд байдаг гэнэ.

Микроскопын дурангаар томруулж харсан мөртлөө эдгээр үсэг ба тоог ялгаж харахад тун бэрхтэй ба энэ нь Да Винчийн кодыг илэрхийлдэг байж болох ажээ. Баруун нүднээс “LV” үсгийг олж харах ба энэ нь “Leonardo da Vinci” нэрийг илэрхийлнэ гэж үзжээ. Харин зүүн нүдэнд нь дан тэмдэгтүүд байх ба үүнийг хараахан тодорхойлоогүй байгаа юм байна. Магад “CE” эсвэл “B” үсэг харагдаж байгааг үгүйсгээгүй бөгөөд харин арын фон хэсэгт байх гүүрний нуман хэлбэрт “72”-ын тоо эсвэл “L”, “2”-ын тоо байж болох аж. Бас “149” тоо харагддаг ч 4 дэх орныг нь устгасан байдаг гэнэ. Үүнийг эрдэмтэд тайлахдаа Да Винчи эл зургаа “1490” онд Миланд байхдаа зурсныг илэрхийлж байгаа юм гэж үзжээ.

www.URLAG.mn