Усэйн Болт 2016 оны олимпын дараа зодог тайлна

“Цахилгаан хүн” хочит Усэйн Болт өнгөрөгч наймдугаар сард Москва хотноо болсон хөнгөн атлетикийн ДАШТ-ээс гурван алтан медаль хүртсэн билээ. Тухайн үедээ сэтгүүлчид түүнээс хэзээ зодог тайлах талаар асуухад тэрээр тийм ч тоймтой хариулт өгөөгүй юм.

Харин өчигдөр тэрбээр албан ёсоор энэ тухай олон нийтэд мэдээлжээ. Яамайкын тамирчин, 27 настай Усэйн Болт 2016 оны Рио-де-Жанейро хотод болох олимпын дараагаас зодог тайлахаа мэдэгджээ.

Усэйн Болт Олимпийн наадмын 100, 200 метрт зургаан алт хүртэж олимп, дэлхийн аварга цолыг зэрэг эзэмшиж байгаа тамирчин билээ.

Мөн тэрээр Форбс-ын судалгаагаар дэлхийн хамгийн их ашиг орлоготой тамирчдын 40 дүгээрт жагсдаг бөгөөд жилд 24.2 сая ам.долларын орлого олдог байна.

Б.Сондор