Ленины хөшөөний суурин дээр Д.Нацагдоржийн хөшөө сүндэрлэнэ

Их зохиолч Д.Нацагдоржийн хөшөөг Улаанбаатар зочид буудлын өмнө талбайд байрлуулахаар болжээ. Үндэсний Соёл амралтын хүрээлэнд орших уг хөшөө нь эргэн тойрондоо барилгаар хүрээлэгдсэн үзэгдэх орчин болон хамгаалалт алдагдсан байдалтай байгаа аж. Энэ талаар  Ерөнхий төлөвлөгөөний газрын орлогч дарга Э.Анар НИТХ-ын Тэргүүлэгчдэд танилцуулан хурлаар авч хэлэлцсэн байна. Тус хурлаар хөшөөг  Улаанбаатар Зочид буудлын өмнө болон Нацагдоржийн нэрэмжит төв номын сангийн өмнө байрлуулах санал гаргажээ.  Тэргүүлэгчид үүнийг хэлэлцээд Улаанбаатар Зочид буудлын өмнөх  цэцэрлэгт хүрээлэнд байршуулахаар тогтоол гаргасан байна.