Зуун жилийн дотор европ эрчүүд дунджаар 10 см-р өндөр болжээ

Орчин үеийн европ эрчүүд 100 гаруй жилийн өмнө амьдарч байсан өвөг дээдсээсээ дунджаар 10 сантиметрээр өндөр болсон тухай Их Британи болон Австралийн эрдэмтэд судалгаа хийн тогтоожээ.

Өнөөдрийн байдлаар 21 настай европ хүний дундаж өндөр 179 см байгаа аж.

“Oxford Economic Papers” сэтгүүлд нийтлэгдсэн судалгааны үр дүнд европчуудын биеийн өсөлтөнд нийгмийн хангамж, амьдрах нөхцөл сайжирч, боловсролын түвшин дээшилсэн нь нөлөөлсөн хэмээн үзэж байгаа гэнэ.

Эрдэмтэд судалгаандаа эмнэлгийн болон дайны үеийн баримт бичгийг ашигласан байна. Харин эмэгтэй хүний дундаж өндрийг тогтоохын тулд дээрхтэй ижил баримт материал ховор байсан тул судалгаа хийж чадаагүй гэнэ.