Дуучин Д.Болд шинэ клипээ хүргэнэ

Төрийн соёрхолт дуучин Д.Болд өнөөдөр шинэ цомгийнхоо анхны уран бүтээл болох “Би дурламаар байна” дууныхаа клипийг ютүб болон фэйсбүүк дэх хуудсаараа дамжуулан албан ёсоор олонд толилуулахаар болжээ.

Энэ дууны клипийг “Доз” энтертайнментийн уран бүтээлчид бүтээсэн аж. Мөн тэрбээр 11 дэх бие даасан R and B цомог дээрээ ажиллаж байгаа юм.

Сонирхуулахад дуучин Д.Болд энэ намрын үдэшлэгийн салхийг хагалж анплаггет тоглолтоо долоо хоног бүрийн баасан гаригт залуусын орох дуртай клуб, лаунжид амьд хөгжмийн хамт хийж байна.

Б.Энхзаяа

/Нийгмийн толь/