ШУТИС ахлах сургуультай боллоо

ШУТИС нь өөрийн харьяанд шинээр Шинжлэх ухаан технологийн ахлах сургуулийг байгуулсанаа зарлалаа. Тус сургууль нь  Монгол улсын хэмжээнд загвар болохоор зохион байгуулагдсанаар орон даяар байгалийн шинжлэх ухааны суурь мэдлэг сайтай, техник технологид сонирхолтой, авьяас чадвартай сурагчдыг элсүүлэн дэлхий дахинд хүлээн зөвшөөрөгдсөн шинжлэх ухаан технологийн ахлах сургуулиудын тусгай хөтөлбөрөөр суралцуулахаар зорьж байгаа аж. Шинжлэх ухаан технологийн ахлах сургууль нь өнгөрөгч долоо хоногт элсэлтээ авсан хэдий ч нэмэлт элсэлт авах болсон байна. Суралцахыг хүсэгчдийг энэ сарын 26-28-ны өдрүүдэд 09.00-18.00 цагийн хооронд ШУТИС-ийн нэгдүгээр байран дээр бүртгэж 29-ний өдөр 15.00 цагт ШУТИС-ийн Төв номын санд математикийн хичээлээр шалгалтаа авах аж.

mnb.mn