Таксины гурван зогсоол ашиглалтанд орлоо

Энэ онд нийт 12 байршилд таксины зогсоол байгуулахаар болсон бөгөөд өнөөдрийн байдлаар Сентрпойнт /Голомт төв/, ТБД андууд /Хаан банкны урд/, Капитрон банк /103-ын уулзварын урд/ бэлэн болжээ.

Харин Төв номын сангийн таксины зогсоол одоогийн байдлаар тэмдэг, тэмдэглэгээ хийгдээгүй байна.

Замын цагдаагийн газраас таксийн зогсоолуудыг бүрэн хийгдэж дууссаны дараа стандартын шаардлага хангасан таксийг нэгдүгээр эгнээгээр зорчуулахаар төлөвлөжээ.

Мөн Нийслэлийн Ерөнхий төлөвлөгөөний газарт таксийн 5 зогсоолын байршлын саналыг хүргүүлэн Хот байгуулалт, Газар зохион байгуулалтын мэргэжлийн комиссын хуралд танилцуулсан байна.

Үүний дагуу 5 таксины зогсоолд гүйцэтгэгчийн сонгон шалгаруулалтыг зарлажээ. Үүнд: Жаргалант  үйлчилгээний төв, Хасбаатарын гудамж, Сонгинохайрхан дүүргийн автовокзал, Энхтайвны өргөн чөлөө, Хар хорин зах, Намъянжугийн гудамжны хотын төврүү чиглэсэн хэсгүүдэд тус тус таксины зогсоол байгуулахаар бэлтгэл ажлыг хангаж байна.

Түүнчлэн 2014 онд нэмж таван байршилд таксины зогсоол байгуулахаар зураг төсөв нь хийгдсэн бөгөөд эдгээр зогсоол байгуулах хөрөнгийг 2014 онд төсөвт тусгуулан ажлыг хийж гүйцэтгэх ажээ.

М.Жаргал