“Галзуу хулгана” тоглоомын нээлт маргааш болно

“Галзуу хулгана” тоглоомын нээлтийн үйл ажиллагаа энэ сарын 23-нд Үндэсний соёл амралтын хүрээлэнд 18.00 цагаас эхэлнэ. “Twisted Rocket” хэмээх энэхүү арга хэмжээнд бүх насныхан хүрэлцэн ирэх боломжтой аж.

Зохион байгуулагчид нийт 10000 гаруй хүнийг хүлээн авахаар төлөвлөж байгаа ба тасалбар 10000 төгрөгийн үнэтэй байх юм. Тоглолтонд урилгаар The Lemons, A Sound, Kiwi, Tatar, Anemone, The Colors, Vatame хамтлагуудаас гадна дуучин BX, Баажий, Цэлмүүн, Чойжоо гээд олон уран бүтээлч ирэх юм байна.

“Галзуу хулгана” -ын туршилтын гулгалтуудын энэ сараас хийж эхэлсэн. Одоогоор 500 гаруй туршилтын гулгалт хийсэн бөгөөд 1000 дахь гулгалтаас эхлэн албан ёсоор ажиллаж эхлэх юм байна.