Ослын хохирлыг “Эсто” компани хариуцахаар болжээ

“Скай ресорт” цанын баазын ойролцоо энэ сарын 13-ны өглөө галт тэрэг “Камаз” маркийн автомашинтай мөргөлдөж, үүний улмаас дөрвөн хүн гэмтэж, галт тэрэгний хоёр зүтгүүр, хоёр вагон замаас гарч эвдэрсэн хэрэг гарсан юм.

Богд уулын араар тавьж буй асфальтан замын гүйцэтгэгч болох “Эсто” компани хаалттай байдаг төмөр замын гармыг хариуцаж байсан ч цаг нь болоогүй байхад гармыг нээснээс уг осол гарсныг хуулийнхан тогтоожээ.

Зам, тээврийн сайд болон “УБТЗ” нийгэмлэг, “ЭСТО” компанийн удирдлагууд уулзаж ярилцсаны дүнд хохирлыг дээрх компани хариуцахаар болжээ.

Б.Уран

ЗУУНЫ МЭДЭЭ