Н.Түвшинбаяр аваргын цолны мялаалга наадам болно

Ардын хувьсгалын 92 жилийн ойн баяр наадамд түрүүлж, үзүүрлэн, шөвгөрч, цол хүртсэн бөхчүүдэд нутаг усныхан нь хүндэтгэл үзүүлэн, бэсрэг наадам хийж байгаа билээ. Наймдугаар сарын эхээр Сэлэнгэ нутгийнхан залуу аваргадаа хүндэтгэл үзүүлж наадсан бол өнгөрсөн долоо хоногт улсын заан Б.Батмөнхийн цолны мялаалга Төв аймгийн Баянхангай суманд болжээ.

Түүнчлэн энэ жилийн баяр наадамд зургаа даван, үндэсний бөхийн харцага цол хүртсэн олимпийн аварга, хөдөлмөрийн баатар Н.Түвшинбаярт хүндэтгэл үзүүлэх наадам түүний төрсөн нутаг Булган аймгийн Сайхан суманд ирэх сарын 6-нд болох гэнэ. Тэгвэл төрийн наадамд үзүүрлэсэн Б.Гончигдамба гарьдын цолны мялаалга наймдугаар сарын 23-нд болох аж.