Хойд Солонгост гар утас бүтээжээ

Хойд Солонгосын инженерүүд “Ариран” нэртэй гар утас бүтээж тус улсын төрийн тэргүүн Ким Чен Инд толилуулжээ.

Ариран гэдэг нь ЮНЕСКО-гийн соёлын өвд бүртгэгдсэн солонгос ардын дууны нэр аж. Үүнээс гадна Хойд Солонгосын нийслэл Пхеньяны төв цэнгэлдэх хүрээлэнд олон арван мянган оролцогч аварга том дүрс бүтээн Гиннесийн номд орсон шоуг мөн ийн нэрийддэг гэнэ.

“Ариран” гар утас Андроид 4.0 суурьтай аж. 24.5 сая хүн амтай тус улсын ердөө 1.5 сая нь л гар утас хэрэглэдэг юм.

Б.Барс