Хотын цэцэрлэгжүүлэлтэд өдөр бүр 7 машин ажиллаж байна
Нийслэлийн Хот тохижилтын газраас хотын цэцэрлэгжүүлэлтийн усалгаанд зориулж өдөртөө 4, шөнөдөө 3 машин тогтмол ажиллаж байна.
Мөн тухайн ургамлын онцлог, байрлалаас шалтгаалан бороожуулах, дуслын усалгаа, нэвчүүлэх усалгааг хийж байгаа аж. Ус нь ургамалд бодисын солилцоо явагдах гол үүргийг гүйцэтгэдгээс гадна ургамлын дулаан болон хөрсөн дэх ашигтай бичил биетний амьдралыг зохицуулах, давс шим тэжээлийн бодисыг уусгаж, ургамлын үндсээр дамжуулан түүнийг хооллодог юм. Ногоон байгууламж, тохижилтын албаны ажилтнууд тарьж ургуулсан мод бут, зүлэг цэцэгнийхээ усалгаанд ийнхүү онцгой ач холбогдол өгч ажиллаж байна.
Б.Туул
/Монцамэ агентлаг/
URL:
