Ус зайлуулагчгүй зам

Ойрын өдрүүдэд бороо ихтэй байгаа учраас хаа сайгүй зам дээр ус тогтжээ. Манай зарим сахилгагүй жолооч нар явган зорчигч уруу шалбааг цацан хурдлах нь олон хүний бухимдлыг хүргэх юм.

Энд нэг асуудал байгаа нь ус зайлуулагчийн тухай. Нийслэлийн ихэнх замуудад ус зайлуулагч бороотой энэ өдрүүдэд үгүйлэгдэж байна. Анх зам засварын ажил хийхдээ үүнийг цогцоор нь шийдэж болдоггүй юм уу гэж холбогдох байгууллагаас нь асуумаар байна. Энгийн мөртлөө золгүй жишээ хэлье.

Хэдэн жилийн өмнө замын голд зогсч байсан хоёр бүсгүйг хажуугар нь өнгөрсөн автомашин шалбаагаар шүршсэнээс болоод цочсон бүсгүйчүүд ухасхийхдээ машинд мөргүүлсэн ноцтой осол гарч байсан.

М.Янжинлхам