Усыг хуванцар саванд байлгах нь элэг бөөрний архаг хуучтай болохын үндэс

Хуванцар эдээр хийсэн хүүхдийн тоглоом, сав суулгад формальдегид хэмээх химийн бодис их хэмжээгээр агуулагдаж байдаг. Формальдегид гэдэг нь хуванцар савны найрлагыг бүрдүүлэгч гол бодис бөгөөд энэхүү химийн бодис нь хүний эрүүл мэндэд муугаар нөлөөлөх, ялангуяа, хүүхдийн биед хуримтлагдан элэг, бөөр зэргийг гэмтээж, архаг хууч өвчин үүсгэдэг бодис юм байна. Гэр хорооллын болон хөдөө орон нутгийн иргэдийн ихэвчлэн ус, айраг, цагаанд хэрэглэдэг 20-200 литрийн багтаамжтай хуванцар саванд ч тус бодис байх ёстой хэмжээнээс хэд дахин хэтэрсэн байдаг.