Солонгост биеэ үнэлж байсан монгол оюутанг баривчилжээ

Спорт массаж хийдэг газруудад ажиллагч бүсгүйчүүд үйлчлүүлэгчдийнхээ хүсэлтээр  биеэ үнэлж байна гэсэн мэдээллийн дагуу Сөүл хотын Цагдаагийн төв газраас  сарын турш  энэ төрлийн үйлчилгээ үзүүлдэг  газруудад эрчимтэй шалгалт хийсэн ажээ.

Энэхүү шалгалтын үеэр тус улсад суралцахаар ирсэн боловч спорт массажны газарт өдрийн 60 мянган воноор  ажиллан биеэ үнэлдэг байсан монгол оюутан бүсгүй А-г өчигдөр саатуулсан байна.Түүнийг  Сөүл хотын Дунгчаг цагдаагийн газарт саатуулж байгаа бөгөөд Улаанбаатар их сургуулийг төгсч,  2007 онд  Сөүл хотын нэгэн дээд сургуульд Солонгос хэлээр Мастерийн зэрэг хамгаалахаар ирж одоог хүртэл суралцаж байгаа  нэгэн ажээ.

Тэрбээр биеэ яагаад үнэлэх болсон тухайгаа “Гэр орноос нь амьжиргааны мөнгө явуулахаа больсон. Тэгээд их мөнгө амласан болохоор спорт массажны  газарт ажиллан биеэ  үнэлсэн. Үүндээ харамсч байна” гэжээ. Түүнийг  шинэ хуулийн дагуу,  биеэ үнэлсэн хэргээр саатуулж,  эх оронд нь албадан буцаах арга хэмжээ авахаар төлөвлөж байгаа  юм байна.

Г.Мянган