Жуковын музейн урд замыг өнөө оройноос эхлэн засахаар болжээ

Нийслэлд зам засварын ажил эрчимтэй хийгдэж байна. Өнөөдрийн байдлаар Дунд голын замын зүүн хэсэгт Энхтайваны гүүрэн доогуур 500 метр замын суурь хучилтыг хийж дуусгасан байна.

Харин Баянзүрх дүүрэгт дахин нэг замыг засаж эхлэхээр болжээ. Тодруулбал, дүүргийн Засаг даргын Тамгын газрын хойд талын буцаж эргэдэг уулзвараас баруун тийш Жуковын музейн урд уулзвар хүртэлх 1 км авто замын хойд урсгал буюу баруун тийш явах урсгалыг өнөө орой 22.00 цагаас эхлэн хааж, хучилтын ажил хийх юм байна.

Замын хөдөлгөөнийг 7 сарын 09-ний өглөө бүрэн нээхээр төлөвлөн ажиллаж байгаа бөгөөд замын ачаалал энэ долоо хоногт эрс нэмэгдэхийг Нийслэлийн авто замын газраас анхаарууллаа.

Х.Алтанзагас