Зүүнсалаа, Баянхошуу орчмын газраас хүннүгийн үеийн булш олджээ

Хүннүгийн үеийн 20 гаруй булш бүхий оршуулгын цогцолбор Сонгино хайрхан дүүргийн нутаг дэвсгэр буюу Зүүнсалаа, Баянхошуу орчмын газраас олджээ. Үүнтэй холбоотойгоор Соёл, спорт, аялал жуулчлалын сайд булшийг авран хамгаалах тухай тушаал гаргаж холбогдох арга хэмжээг авч эхэлсэн байна. Тус газрыг анх түүх, соёл судлалын профессорын багийнхан илрүүлсэн аж. Профессорын багийнхан одоогоор малтлагынхаа эрхийг авахаар ажиллаж байгаа юм байна. Харин зөвшөөрөл авсны дараа археологчид оршуулгыг малтаж, газар дор нь байгаа өвийг бүртгэн судалж эхлэх аж.